«Барселона» клуби «Бавария»дан Англия терма жамоаси ҳужумчиси Харри Кейнни ўз сафига қўшиб олмоқчи ва аллақачон ўз қизиқишини билдириш учун футболчининг вакиллари билан алоқага чиққан. Бу ҳақда Daily Mail нашри иддао қилмоқда.

32 ёшли ҳужумчининг мюнхенликлар билан амалдаги шартномаси яна бир мавсумга мўлжалланган. Каталония клуби ушбу масалага инглизларнинг ЖЧ-2026 мусобақасидаги иштироки якунланганидан сўнг қайта тикланишга умид қилмоқда.

Қайд этилишича, Кейннинг ўзи «Бавария»даги ҳозирги ҳолатидан мамнун, Германия клуби эса уни ўз сафида сақлаб қолишга ҳаракат қилади. Футболчининг вакиллари айни дамда «Барселона» билан музокаралар олиб боришмаяпти ва «Бавария» билан шартномани узайтириш имкониятларини Жаҳон чемпионатидан кейин муҳокама қилишади.

Шунга қарамай, Роберт Левандовскига муносиб ўринбосар қидираётган каталонияликлар, агар ушбу битимни амалга оширишнинг кичик бўлса-да имконияти пайдо бўлса, бор кучларини ишга солишлари хабар қилинмоқда.

Transfermarkt портали Кейннинг трансфер қийматини 60 миллион еврога баҳоламоқда.