«Барселона» дарвозабони Жоан Гарсия «Атлетико» ҳужумчиси Хулиан Альвареснинг эҳтимолий трансфери ҳақида фикр билдирди. Голкипернинг таъкидлашича, аргентиналик футболчи жамоани кучайтирган бўларди, бироқ ҳозирда у бошқа клубга тегишли ва футболчилар унинг қарорига таъсир ўтказа олмайдилар.
«Хулиан бизга муҳим сифат босқичига чиқиш имконини берган бўларди. Таркибда буюк футболчилар қанчалик кўп бўлса, сифат ҳам шунчалик юқори бўлади. Ҳамма Хулианнинг ажойиб футболчи эканлигини билади, лекин у «Атлетико»да ўйнайди. Биз унинг қарорларига ва клублар нимани ҳал қилишига кучли таъсир ўтказа олмаймиз. Матбуотда ёзилаётган нарсаларнинг қай даражада ҳақиқат эканлигини ҳеч қачон била олмайсан, шунинг учун бунга жуда катта эътибор қаратмаяпмиз», — дея Гарсиянинг сўзларини келтиради RAC1.
Аввалроқ Альварес «Атлетико»ни тарк этиш истаги борлигини оммавий равишда эълон қилган эди. 26 ёшли аргентиналик футболчининг Мадрид клуби билан шартномаси 2029 йилга қадар мўлжалланган. Айни дамда у ЖЧ-2026 доирасида ўз терма жамоаси ихтиёрида бўлиб турибди ва 1/16 финалдан ўрин олган Кабо-Вердега қарши учрашувни кутмоқда.
