Португалия терма жамоаси ҳужумчиси Гонсалу Рамуш 2026 йилги жаҳон чемпионати 1/16 финалида Хорватияга қарши учрашувдан сўнг ноёб натижа қайд этди.
OptaJoe маълумотига кўра, Рамуш жаҳон чемпионатлари тарихида ҳар 37 дақиқада ўртача битта самарали ҳаракат (гол ёки ассист) амалга оширмоқда. Камида бешта самарали ҳаракат қайд этган Португалия футболчилари орасида бу энг яхши кўрсаткич ҳисобланади.
Ушбу рейтинг қуйидагича кўриниш олган:
-
Гонсалу Рамуш — ҳар 37 дақиқада битта самарали ҳаракат;
-
Эйсебио — ҳар 54 дақиқада;
-
Жозе Торреш — ҳар 90 дақиқада;
-
Жозе Аугушту — ҳар 108 дақиқада;
-
Бруну Фернандеш — ҳар 130 дақиқада;
-
Паулета — ҳар 136 дақиқада;
-
Криштиану Роналду — ҳар 163 дақиқада.
Эслатиб ўтамиз, Португалия 1/16 финалда Хорватияни 2:1 ҳисобида мағлуб этди. Қўшимча вақтнинг ўрнини қоплаш учун қўшиб берилган дақиқаларида ҳал қилувчи голни айнан Гонсалу Рамуш киритиб, жамоасини 1/8 финалга олиб чиқди.
