Италиялик ҳимоячи Майкл Кайоде фаолиятини «Брентфорд»да давом эттиради. Англия клуби футболчи билан тузилган шартномани 2032 йилгача узайтирганини маълум қилди.
«Фиорентина»нинг собиқ футболчиси ўтган мавсумда «Брентфорд»нинг асосий таркибидан мустаҳкам ўрин эгаллади. У барча мусобaqаларда 44 та учрашувда майдонга тушиб, жами 3612 дақиқа ҳаракат қилди.
Кайоде Англия Премьер-лигасида «Вулверхэмптон»га қарши баҳсда бир марта гол урган бўлса, «Эвертон» билан учрашувда голли узатма муаллифи бўлган.
Клуб раҳбарияти футболчининг барқарор ва ишончли ўйинини юқори баҳолаб, унинг шартномасини яна бир неча йилга узайтиришга қарор қилди.
Эслатиб ўтамиз, «Брентфорд» 2025/2026 йилги Англия Премьер-лигаси мавсумини 9-ўринда якунлаган эди.
