Жаҳон чемпионати — 2026 ярим финал учрашувида Испания ва Франция терма жамоалари ўзаро тўқнаш келишади. «Қизил фурия» ярим ҳимоячиси Фабиан Руис бўлажак баҳсдан кутаётган умидлари билан ўртоқлашди.

«Франция таркибида мен ўйнайдиган клубнинг кўплаб футболчилари тўп суради. Биз ушбу терма жамоанинг даражаси қандай эканлигини жуда яхши биламиз. Жуда шиддатли учрашув кутмоқдамиз. Бизда финалга чиқиш учун етарлича яхши имкониятлар бор», — деди ярим ҳимоячи Mundo Deportivo нашрига.

Эслатиб ўтамиз, 1/4 финалда «қизил фурия» Бельгияни мағлуб этганди (2:1), французлар эса Марокашдан устун келишган (2:0).

Франция — Испания учрашуви сешанба куни, 14 июль куни бўлиб ўтади.