Аргентина терма жамоаси ҳимоячиси Лисандро Мартинес ЖЧ-2026 да ҳакамлар томонидан уларнинг миллий жамоаси фойдасига қарорлар чиқарилаётгани ҳақидаги гап-сўзларга муносабат билдирди. Чорак финалда Аргентина терма жамоаси Швейцарияга қарши майдонга тушади.
«Менинг айтадиган гапим йўқ. Бундай баҳс-мунозараларни сизлар ўйлаб топасизлар. Биз эса бор эътиборимизни майдонда 100 фоиз куч билан ҳаракат қилишга қаратганмиз», — Мартинеснинг сўзларини Diario AS ижтимоий тармоқлардаги саҳифасида келтирмоқда.
Жаҳон чемпионати – 2026 мусобақаси 11 июндан 19 июлга қадар Мексика, Канада ва АҚШда бўлиб ўтмоқда. Аргентина терма жамоаси турнирнинг амалдаги чемпиони ҳисобланади. ЖЧ-2026 нинг 1/8 финалида улар Миср терма жамоасини 3:2 ҳисобида мағлуб этишган эди.
