Opta хабарига кўра, Аргентина терма жамоаси ЖЧ-2026 чорак финалида Швейцарияни мағлуб этиб (3:1), жаҳон чемпионатларида қўшимча вақт (экстра-тайм) талаб қилинган ўйинларда ўз ҳисобидаги 11-ғалабани қайд этди.

Жаҳон чемпионатларида қўшимча вақтгача чўзилган 13 та учрашувдан аргентиналиклар 11 тасида ғалаба қозонган: бештаси экстра-таймларда (шу жумладан, ЖЧ-1978 финалида Нидерландияга қарши — 3:1) ва олтитаси пенальтилар сериясида (шу жумладан, ЖЧ-2022 финалида Францияга қарши — 3:3, пенальтилар бўйича 4:2).

Жамоа бор-йўғи икки марта мағлуб бўлган — иккала ҳолатда ҳам Германияга (ЖЧ-2006 1/4 финалида пенальтилар сериясида ва ЖЧ-2014 финалида қўшимча вақтда).

2026 йилги жаҳон чемпионати 11 июндан 19 июлгача АҚШ, Канада ва Мексикада бўлиб ўтмоқда. Амалдаги жаҳон чемпиони — Аргентина терма жамоаси.