Украиналик марказий ҳужумчи Артем Довбик «Рома»ни тарк этиб, фаолиятини бошқа Италия жамоасида давом эттириши мумкин.
Ҳужумчини «Фиорентина» ўз сафига қўшиб олиши мумкин. Агар Мойзе Кин жамоани тарк этса, флоренцияликлар Довбик хизматига мурожаат қилишади. Киннинг хизматларига эса Чемпионлар лигасига йўлланма олган «Комо» клуби қизиқиш билдирмоқда.
29 ёшли украиналик футболчи 2024 йилнинг августидан бери «бўрилар» шарафини ҳимоя қилиб келмоқда. Унинг римликлар билан шартномаси 2029 йилнинг июнь ойи охиригача мўлжалланган, трансфер қиймати эса 15 миллион еврони ташкил этади.
А Сериянинг ўтган мавсумида Довбик 14 та учрашувда майдонга тушиб, 3 та гол урган.
