Италия футбол федерацияси вакиллари мамлакат терма жамоаси бош мураббийлигига номзодлар қаторига Паоло Ванолини ҳам киритди. Бу ҳақда МЯЧ RU хабар бермоқда.
Манбанинг қайд этишича, Ванолининг тайинланиши ҳақида гапириш ҳали эрта, аммо музокаралар бўлиб ўтаётгани факт.
Ушбу мутахассис илгари Италия ўсмирлар терма жамоаларида ишлаган, мамлакат асосий терма жамоаси, «Челси» ва «Интер»да ассистент бўлган. 2022 йилда Ваноли Москванинг «Спартак» клубини бошқариб, Россия кубогини қўлга киритган, кейинчалик «Венеция», «Торино» ва «Фиорентина» клубларида фаолият юритган.
Эслатиб ўтамиз, аввалроқ Италияда Андреа Пирло номзодидан Россия букмекерлик компаниялари билан алоқаси сабабли воз кечишган эди.
