«Марсель» бош мураббийи Бруно Женезио Зинедин Зиданнинг Франция терма жамоаси бош мураббийи лавозимига тайинлангани бўйича ўз фикрлари билан ўртоқлашди.
«Мен, барча французлар каби, биринчи навбатда Дидье Дешамнинг меҳнатини алоҳида таъкидлаб ўтмоқчи эдим, чунки биз одамлар жуда тез кўп нарсани унутадиган дунёда яшаяпмиз. Зинедин Зиданнинг келишидан жуда хурсандман, лекин Дешам 14 йил давомида нима қилганини эслатиб ўтмоқчи эдим. Бу фавқулодда натижа. Назаримда, баъзида бизга бунга нисбатан ҳурмат етишмади.
Дидье ўз истеъфосини Франция терма жамоаси бош мураббийлигидан эълон қилиши билан, биз унинг ўрнини ким эгаллашини билмоқчи бўлдик. Бизда ўзининг футболчилик фаолияти эвазига катта обрў-эътиборга эга инсон бўлади. Бироқ, унинг «Реал»даги мураббийлик даврида эришган ютуқларини, жумладан, Чемпионлар лигасидаги ғалабаларини ҳам ҳисобга олиш керак, бу ажойиб эди. Ўйлайманки, биз унга, унинг ишига ва француз футболининг узоқ йиллар давомида энг юқори даражада қолишига имкон берадиган усулларига ишонишимиз керак», — дейди Женезио Get French Football News нашрига.
