«Манчестер Сити» ярим ҳимоячиси Родри шу ёзда Мадриднинг «Реал» клуби сафини тўлдириши мумкин.
Маълум бўлишича, «шаҳарликлар» етакчиси «сливочные» лагерига кўчиб ўтишни истамоқда. The Touchline маълумотларига кўра, Родрининг Испания терма жамоасидаги баъзи жамоадошлари унга «қироллик» клуби кийиниш хонасидаги муҳит мураккаб ва таранг эканини айтиб, уни огоҳлантиришган. Таъкидланишича, хавбекни «қизил фурия»нинг ҳозирги ҳамда собиқ футболчилари огоҳлантирган, аммо аниқ исмлар, табиийки, ошкор қилинмаган.
Родрининг трансфер шартлари бўйича ҳозирча якуний келишувга эришилмаган, бироқ 30 ёшли жаҳон чемпиони «Реал»нинг устувор мақсадларидан бири ҳисобланади. Футболчининг «Манчестер Сити» билан амалдаги шартномаси келаси йилнинг ёзида тугайди.
