Мадриднинг «Атлетико» клуби «Тоттенхэм» марказий ҳимоячиси Кристиан Ромеро трансферини имкон қадар тезроқ ҳал қилишга интилмоқда.
«Матрасчилар» яқин орада — унинг ватандошлари Тьяго Альмада ва Науэль Молина клубни батамом тарк этгач, 28 ёшли аргентиналик бўйича янги таклиф билан чиқишади. Инсайдер Фабрицио Романонинг хабар беришича, мадридликлар «шпоралар» сардори учун тахминан 40 миллион евро таклиф қилишади — «Тоттенхэм» ҳам тахминан шунча сўрамоқда.
Кристиан Ромеро учун кечадиган пойгага «Барселона» ва «Арсенал» ҳам қўшилиши мумкинлиги тахмин қилинмоқда, шу сабабли «Атлетико» трансфер мақсадини бой бериш хавфини орттирмаслик учун битимни энг қисқа муддатда расмийлаштирмоқчи.
