Римнинг «Лацио» клуби кетган футболчилар ўрнини тўлдириш учун шошилинч равишда янги харидларни изламоқда. Италия Кубогида «Мантова»дан учралган кутилмаган мағлубият жамоанинг барча чизиқларини кучайтириш зарурлигини кўрсатди. cittaceleste.it хабарига кўра, римликлар ҳужум чизиғини «Сассуоло» форварди Андреа Пинамонти билан мустаҳкамлашлари мумкин.
Рим клуби раҳбарияти Мауро Икарди ва Бамба Дьенг билан боғлиқ трансферлар амалга ошмагач, эътиборни Пинамонтига қаратди.
Музокаралар жараёнини енгиллаштирадиган омил шундаки, Пинамонтининг ўзи ҳам фаолиятида янги саҳифа очиш учун «Сассуоло»ни тарк этишни истамоқда. Рим клубининг таклифи у учун жуда жозибадор кўринмоқда.
