Бугун, 25 август куни Ўзбекистон Суперлигаси, УЕФА Чемпионлар лигаси плей-офф босқичи, Испания Ла Лигаси ҳамда Саудия Арабистони чемпионати доирасида бир қатор учрашувлар бўлиб ўтади.

Ўзбекистон Суперлигасининг 19-турида соат 19:00 да «Андижон» ўз майдонида «Хоразм»ни қабул қилади. Худди шу вақтда «Сурхон» — ОКМК баҳси старт олади. Турнинг эътиборли учрашувларидан бири Самарқандда ўтказилади — соат 20:00 да «Динамо» «Пахтакор»га қарши майдонга тушади.

УЕФА Чемпионлар лигаси плей-офф босқичида ҳам ҳал қилувчи жавоб учрашувлари ўтказилади. Соат 20:45 да «Сабаҳ» — «Хапоэль Беэр-Шева», 00:00 да эса ЛАСК — «Селтик» ва «Будё-Глимт» — НЕК баҳслари бўлиб ўтади. Мазкур ўйинларда Чемпионлар лигасининг лига босқичи йўлланмалари учун кураш кечади.

Шунингдек, Испания Ла Лигасида соат 00:00 да «Валенсия» «Бетис»ни қабул қилади.

Саудия Арабистони Премьер-лигасида эса соат 23:00 да «Ал-Иттифоқ» ва «Ан-Наср» ўзаро тўқнаш келади.

Барча вақтлар Тошкент вақти билан кўрсатилган.