Аргентиналик ҳужумчи Лионель Мессининг рафиқаси Антонелла Рокуццо турмуш ўртоғининг Аргентина терма жамоасидаги фаолиятини якунлашига муносабат билдирди. 39 ёшли футболчи бу қарорини ижтимоий тармоқлар орқали маълум қилган эди.
«Бу бобни қандай якунлаганинг билан фахрланаман. Мен сенинг қандай азоб чекканингни, йиқилганингни ва яна оёққа турганингни кўрдим. Ишлар режадагидек кетмаган пайтларда ҳам сен матонат кўрсатдинг. Сен билан ва сен босиб ўтган йўл билан фахрланаман. Буларнинг барчасини сен билан бирга бошдан кечириш мен учун улкан шараф бўлди. Биз сени жуда қаттиқ яхши кўрамиз», — деб ёзди Антонелла ижтимоий тармоқдаги саҳифасида.
Лионель Месси Аргентина терма жамоаси сафида 207 та учрашув ўтказиб, 125 та гол урган.
