«Интер Майами» ҳужумчиси Лионель Месси 17-марта «Олтин тўп» учун даъвогарлар қаторига кирди. Бу ҳақда France Football хабар берди.

Шу тариқа, Месси «Олтин тўп»га номзодлар сафига киришлар сони бўйича иккинчи ўринда бормоқда. Бу борада ундан фақат «Ан-Наср» ҳужумчиси Криштиану Роналду устун — португалиялик футболчи 18 марта номзодлар рўйхатидан жой олган.

Ўтган мавсумда Месси МЛСда ғолиб чиқди ва лиганинг энг яхши футболчиси деб топилди. Аргентина терма жамоаси таркибида эса футболчи 2026 йилги Жаҳон чемпионати финалига қадар етиб борди.

Аргентиналик футболчи «Олтин тўп»ни саккиз марта қўлга киритган (2009, 2010, 2011, 2012, 2015, 2019, 2021, 2023).

Месси аввал «Барселона» ва «Пари Сен-Жермен» клублари шарафини ҳимоя қилган ва улар билан бир қатор нуфузли совринларни қўлга киритган.