«Барселона» вингери Ламин Ямал Чемпионлар лигаси тарихидаги энг сермаҳсул ўсмир футболчига айланди.
Испания терма жамоаси футболчиси «Фейеноорд»га қарши учрашувда Рафиньяга голли узатма бериб, мусобақадаги 21-натижадор ҳаракатини амалга оширди.
Ямалнинг Чемпионлар лигасидаги ҳисобида энди 11 та гол ва 10 та голли узатма бор.
Шу тариқа, у 19 ёшгача бўлган футболчилар орасида «гол+пас» тизими бўйича Килиан Мбаппега тегишли рекордни янгилади. Франциялик ҳужумчи бу ёшда Чемпионлар лигасида 20 та сермаҳсул ҳаракат қайд этган эди.
