«Реал»да жамоа дарвозабони Тибо Куртуанинг келажаги бўйича қарор қабул қилинди. The Touchline нашри COPE журналисти Мигель Анхель Диасга таяниб хабар беришича, яқин ҳафталарда «Реал» ва Куртуа вакиллари учрашув ўтказади. Мадрид клуби бельгиялик дарвозабон билан шартномани яна бир мавсумга узайтиришни хоҳламоқда.
34 ёшли Тибо Куртуанинг «Реал» билан амалдаги шартномаси жорий мавсум охиригача амал қилади. Бельгиялик дарвозабон Мадрид клубида 2018 йил ёзидан бери, «Челси»дан трансфер қилинганидан сўнг ўйнаб келмоқда.
Куртуа «Реал» сафида жами 338 та учрашув ўтказиб, 329 та гол ўтказиб юборган.
Аввалроқ «Реал» Чемпионлар лигасидаги иштирокини «Интер» устидан 2:1 ҳисобидаги ғалаба билан бошлаган эди.
