Италия чемпионати А Сериянинг 4-турида «Милан» сафарда «Лацио» билан 2:2 ҳисобида дуранг ўйнади. Учрашувда «Милан»нинг жамоага август ойи охирида қўшилган янги футболчиси Диегу Морейра иккита гол урди. У ўйиндан сўнг учрашув ҳақида фикр билдирди.
«Дастлабки иккита голимни урганимдан жуда хурсандман, аммо ғалаба қозонганимизда бундан ҳам кўпроқ қувонган бўлардим. Биз иккинчи бўлимни жуда яхши ўтказдик ва бундан кўпроғига лойиқ эдик», — дея Морейранинг сўзларини Pianeta Milan нашри келтирди.
Италия чемпионатининг 5-турида «Милан» ўз майдонида «Лечче»ни қабул қилади.
«Милан» сўнгги марта 2022 йилда чемпион бўлган. Ўша пайтда жамоага Стефано Пиоли устозлик қилган.
