«Атлетико» Мадрид ҳужумчиси Жонатан Дэвид Испания клубига мослашуви ҳақида фикр билдирди.
«Ҳозирча ҳаммаси яхши кетяпти. Мени жуда илиқ кутиб олишди ва машғулотлар, уй топиш, майдондан ташқаридаги ҳаёт билан боғлиқ барча масалаларда катта ёрдам беришди. Ҳар бир киши менинг жамоага тезроқ мослашишим учун аъло иш қилди. Ўз майдонимизда мухлислар билан учрашишни интиқлик билан кутяпман», — дея Дэвиднинг сўзларини Atletico Universe келтирмоқда.
Канада терма жамоаси ҳужумчиси ёзги трансферлар ойнасида «Ювентус»дан «Атлетико»га ўтди. Испания гранди футболчини сотиб олиш ҳуқуқи билан ижарага олди. Ҳозирча Дэвид «матрасчилар» сафида иккита ўйинда майдонга тушди ва бирта гол урди.
