«Ливерпуль»нинг ҳужумкор ярим ҳимоячиси Флориан Вирц жамоага кўпроқ фойда келтиришни исташини айтди.

«Менимча, айрим ўйинларда кўпроқ гол уришимиз ва кўпроқ очко жамғаришимиз мумкин эди. Мен ҳам ўз олдимга учрашувлар тақдирини ҳал қилиш вазифасини қўйганман.

Мен ва ҳужум чизиғидаги бошқа футболчилар бундай ўйинларни ғалаба билан якунлашимиз керак. Биз бунинг устида ишлаяпмиз», — дея Вирцнинг сўзларини «Ливерпуль» матбуот хизмати келтирди.

23 ёшли германиялик ярим ҳимоячи жорий мавсумда барча мусобақаларда 5 та ўйинда майдонга тушди, аммо ҳали гол ура олмади. Унинг ҳисобида 1 та голли узатма бор.

20 сентябрь куни «Ливерпуль» Англия чемпионати 5-тури доирасида сафарда «Борнмут»га қарши майдонга тушади. Учрашув Тошкент вақти билан соат 18:00 да бошланади.