«Халл Сити»нинг грециялик дарвозабони Константинос Цолакис Европа грандлари қизиқишлари доирасига тушди. Бу ҳақда TEAMtalk хабар берди.
Манба маълумотига кўра, Лондоннинг «Тоттенхэм» клуби 23 ёшли голкиперни харид қилишга жиддий қизиқиш билдирмоқда. Бунга сабаб, клубда Антонин Кинскининг имкониятларига нисбатан тўлиқ ишонч йўқ. «Шпорлар» Цолакисни келаси мавсумдан жамоанинг асосий дарвозабони сифатида кўриб чиқмоқда. Бироқ лондонликлар рўйхатида бошқа номзодлар ҳам бор.
Шунингдек, Цолакисни «Ливерпуль» ҳам кузатиб бормоқда. Мерсисайд клубида Алиссон Бекернинг келажаги борасида ноаниқлик мавжуд.
Бундан ташқари, грециялик дарвозабон «Реал» ва «ПСЖ» эътиборида ҳам бор. Бу клублар Цолакисни у ҳали «Олимпиакос»да тўп тепиб юрган пайтидан кузатиб келмоқда.
Жорий мавсумда Цолакис барча мусобақалар доирасида бешта учрашув ўтказиб, тўртта гол ўтказиб юборди ва учта баҳсда ўз дарвозаси дахлсизлигини сақлаб қолди.
