Франция адлия органлари «Реал» ҳужумчиси Килиан Мбаппе собиқ клуби «ПСЖ»га қарши қўзғатган «руҳий тазйиқ» бўйича ишни ёпди. Бу ҳақда Mundo Deportivo хабар бермоқда.
Манба маълумотига кўра, тергов далиллар етарли бўлмагани сабабли тўхтатилган. Футболчининг ўзи ҳам даъвони давом эттирмаган, унинг адвокатлари эса аввал топширилган шикоятни қайтариб олган.
Тергов 2026 йилнинг май ойидаёқ якунланган.
Мбаппе 2022/23 йилги мавсум бошида юзага келган вазиятдан сўнг «ПСЖ» устидан шикоят қилган эди. Ўшанда футболчи Париж клуби билан шартномасини узайтиришдан бош тортгани ортидан асосий жамоа машғулотларидан четлатилган.
Жорий мавсумда Мбаппе «Реал» сафида барча мусобақалар доирасида 8 та ўйин ўтказиб, 8 та гол урди ва 2 та голли узатма берди.
