Франция терма жамоаси вингери Дезире Дуэ Миллатлар лигасида Бельгияга қарши ғалабали учрашувдан сўнг фикр билдирди. «Уч ранглилар» йирик 4:1 ҳисобида ғалаба қозонди.

«Биз ушбу босқичдаги сўнгги ўйинда ғалаба қозонишни истагандик. Энди ҳисобимизда 10 очко бор. Худди шу тарзда давом этишимиз керак.

Ҳимояда яхши ҳаракат қиладиган жамоага қарши гол уриш ҳар доим ҳам осон эмас. Аммо терма жамоамизда жуда юқори даражадаги футболчилар бор. Бу бизга ёрдам беради», — дея Дезиренинг сўзларини L'Équipe нашри келтиради.

Тўртта учрашувдан сўнг Зинедин Зидан шогирдлари 10 очко тўплаб, ўз гуруҳида пешқадамлик қилмоқда. Франция терма жамоаси кейинги учрашувни ноябрь ойида Италияга қарши ўтказади.