Италия А Сериясининг 6-туридан ўрин олган «Комо» ва «Рома» жамоалари ўртасидаги учрашувда ноодатий ҳолат юз берди.
Баҳснинг иккинчи бўлими ўрталарида бош ҳакам Микаэль Фаббри жароҳат олди ва учрашувни бошқаришни давом эттира олмади.
Шундан сўнг унинг ўрнини шу вақтга қадар тўртинчи ҳакам вазифасини бажариб келган Симоне Соцца эгаллади. Жароҳат олган Фаббри эса тўртинчи ҳакам вазифасига ўтди.
Қайд этилишича, «Комо» бош мураббийи Сеск Фабрегас жароҳат олган ҳакамга далда бериб, у билан қўл бериб кўришди.
Ҳакамлар алмашинуви содир бўлган вақтда учрашувда ҳисоб очилмаган эди — 0:0.
