«Барселона» Ханс-Дитер Флик бошчилигида навбатдаги йирик ғалабасини қўлга киритди.

Каталония клуби УЕФА Чемпионлар лигаси умумий босқичи 2-турида Туркиянинг «Галатасарой» жамоасини 4:1 ҳисобида мағлуб этди.

Бу «Барселона»нинг германиялик мураббий қўл остида камида учта тўп фарқи билан қозонган 44-ғалабаси бўлди. Эътиборлиси, Флик бошчилигида ўтказилган 127 та учрашувнинг 44 тасида каталонияликлар рақибларини йирик ҳисобда енгишга муваффақ бўлган.

Флик даврида «Барселона» энг кўп «Валенсия»ни йирик ҳисобда мағлуб этган. Каталонияликлар ушбу жамоа устидан тўрт марта — 7:1, 5:0, 6:0 ва 5:0 ҳисобларида зафар қучган.

Шунингдек, «Барселона» «Атлетик» (3:0, 4:0, 5:0), «Мальорка» (5:1, 3:0, 3:0) ва «Севилья» (5:1, 4:1, 5:2) клубларини уч мартадан йирик ҳисобда мағлуб этган.

Каталонияликлар Мадриднинг «Реал» (4:0, 5:2), «Жирона» (4:1, 4:1), «Вильярреал» (5:1, 4:1) ва «Хетафе» (3:0, 3:0) жамоалари устидан эса икки мартадан йирик ғалабага эришган.

Бундан ташқари, Флик бошчилигидаги «Барселона» қуйидаги клубларни ҳам камида учта тўп фарқи билан мағлуб этган:

«Фейеноорд» — 5:1, «Вальядолид» — 7:0, «Янг Бойз» — 5:0, «Алавес» — 3:0, «Бавария» — 4:1, «Црвена Звезда» — 5:2, «Брест» — 3:0, «Барбастро» — 4:0, «Бетис» — 5:1, «Реал Сосьедад» — 4:0, «Боруссия» — 4:0, «Олимпиакос» — 6:1, «Овьедо» — 3:0, «Копенгаген» — 4:1, «Леванте» — 3:0, «Осасуна» — 3:0, «Атлетико» — 3:0, «Ньюкасл» — 7:2, «Эспаньол» — 4:1, «Эльче» — 5:0, «Райо Вальекано» — 5:2 ва «Расинг» — 7:2.

Шу тариқа, «Барселона» Флик бошчилигида ўтказган ўйинларининг қарийб 35 фоизида камида учта гол фарқи билан ғалаба қозонган.