Туркиянинг «Галатасарой» клуби ва Нигерия терма жамоаси ҳужумчиси Виктор Осимхен ҳамон «Барселона»нинг қизиқиш доирасида қолмоқда. Бу ҳақда инсайдер Экрем Конур ижтимоий тармоқларда маълум қилди.
Ўз навбатида, Истанбулнинг нуфузли клуби январь ойидаги трансфер ойнасида нигериялик футболчи билан хайрлашишни режалаштирмаяпти. Ҳужумчининг ўзи ҳам ҳозирча бошқа клубга ўтиш бўйича якуний қарор қабул қилмаган.
Виктор Осимхеннинг «Галатасарой» билан шартномаси 2029 йил июнь ойининг охиригача амал қилади. Футболчининг трансфер қиймати 65 миллион евро этиб баҳоланмоқда.
Туркия чемпионатининг жорий мавсумида 27 ёшли ҳужумчи бешта учрашувда олтита гол урди.
