Мадриднинг «Реал» клуби бош мураббийи Жозе Моуриньо Испания чемпионати доирасида «Севилья»га қарши бўлиб ўтадиган учрашув олдидан жамоанинг ҳолати ҳақидаги саволга жавоб берди.
«Жамоа ўзини қандай ҳис қиляптими? Чарчаган. Аммо эртанги ўйинга тайёр бўламиз. Зарур бўлса, бир нечта алмаштиришни амалга ошириш учун имкониятларимиз бор», — дея Моуриньонинг сўзларини келтирмоқда Madrid Xtra.
18 октябрь, якшанба куни «Реал» Испания Ла Лигасининг тўққизинчи тури доирасида ўз майдонида «Севилья»ни қабул қилади. Учрашув бош ҳакамнинг ҳуштаги билан Тошкент вақти билан соат 00:00 да бошланади.
