"Манчестер Юнайтед" бош мураббийи Майкл Кэррик АПЛ доирасида "Борнмут"га қарши ўйин олдидан мухлисларга мурожаат қилди.
Манкунианликлар бугун "Борнмут" билан учрашади. Ўйин Тошкент вақти билан соат 19:00 да бошланади.
""Манчестер Юнайтед" — ҳақиқатан ҳам буюк футбол клуби. Бизнинг стандартларимиз ва қадриятларимиз кўп авлодлар давомида шаклланган ва мен учун жуда муҳим.
Жамоа сифатида клубни муносиб тарзда намоён этишимиз ва ушбу тамойилларга амал қилишимиз шарт.
Чоршанба кунги ўйин кўп жиҳатдан катта кўнгилсизлик бўлди.
Бугун Премьер-лига ўйинларига қайтамиз ва "Борнмут" билан учрашамиз. Биз кимлигимизни ва нималарга қодирлигимизни кўрсатишимиз керак.
Биз бирдам бўлишимиз шарт. Шу билан бирга, сизлар — бизнинг ажойиб мухлисларимиз ва алоҳида аҳамиятга эга футбол клубимиз учун анча яхшироқ ўйнашимиз кераклигини тушуниб турибмиз.
Барча кўнгилсизликларга қарамай, сизлар яна "Олд Траффорд"га келиб, жамоани қўллаб-қувватлашингизни биламиз.
Энди бизнинг вазифамиз — сизларнинг қўллаб-қувватлашингизга муносиб ўйин кўрсатиш", — деди Кэррик.
