"Барселона"нинг собиқ ярим ҳимоячиси Иван Ракитич "Реал" дарвозабони Тибо Куртуанинг грипп сабаб "эл-класико"ни ўтказиб юбориши ҳақида фикр билдирди.
"Бу "Реал" учун энг оғир йўқотиш. Менимча, Куртуа ҳозир жамоанинг энг муҳим футболчиси. У қийин вазиятларда "Реал"ни кўп бор қутқарган. Агар "эл-класико"да ўйнай олмаётган бўлса, демак, касаллиги анча жиддий", — деди Ракитич.
Хорватиялик футболчи бўлажак тўқнашув ҳақида ҳам тўхталди.
"Ҳар икки жамоа ўз услубида ўйнайди. Айниқса, "Барселона" ўз майдонида одатдаги футболини намойиш этишга интилади. Қизиқарли ўйин кутяпман. "Реал" ҳам рақибига муаммо туғдира оладиган кучли жамоа", — дея қўшимча қилди у.
