Душанба куни "Олтин тўп" мукофоти топширилди. Нуфузли совринни "Бавария" ва Англия терма жамоаси ҳужумчиси Харри Кейн қўлга киритди.
Энди Give Me Sport портали журналистлари 2027 йилги "Олтин тўп" учун асосий фаворитлар рейтингини тузишди. Биринчи ўриндан "Барселона" вингери Ламин Ямал жой олди. У жорий йилги овоз беришда учинчи, ўтган йили эса иккинчи ўринни эгаллаган эди.
Рейтингда иккинчи ўрин Килиан Мбаппега насиб этди, кучли учликни эса Майкл Олисе якунлади. Кейинги ўринларда Жуд Беллингем, Харри Кейн, Эрлинг Холанд, Деклан Райс, Рафинья, Усмон Дембеле ва Дезире Дуэ жойлашган.
Рейтингдан жами 20 нафар футболчи ўрин олган. Лионель Месси ва Криштиану Роналду улар қаторига киритилмаган.
