«Ан-Наср» ҳужумчиси Жоау Феликс Саудия Арабистони чемпионати доирасида «Ал-Хулуд»га қарши кечган (5:3) учрашувда жамоадошларига тўрт марта голли узатма берди.
Ўйиннинг 28-дақиқасида португалиялик футболчининг узатмасидан кейин Габриэл Анжело ҳисобни очди. Яна 14 дақиқа ўтиб, Феликс Садио Маненинг голига ассист берди. Иккинчи бўлимда эса у ватандоши Криштиану Роналдуга иккита голли узатма берди. Натижада Роналду учрашувда хет-трик қайд этди.
CentreGoals маълумотига кўра, Феликс Саудия лигаси тарихида бир ўйинда тўртта голли узатма берган учинчи футболчига айланди.
Шунингдек, 26 ёшли ҳужумчи «Ан-Наср» тарихида бу натижага эришган биринчи футболчи бўлди.
