«Валенсия» 19 ёшли вингер Давид Оторби билан шартномани 2031 йилгача узайтирганини расман эълон қилди.
Испания клуби бу қарорни футболчига, айниқса, «Ливерпуль» томонидан қизиқиш кучайгани сабабли қабул қилган.
Янги келишувга кўра, Оторбининг товон пули 30 миллион евродан 60 миллион еврога оширилди.
Нигериялик илдизларга эга Испания ёшлар терма жамоаси футболчиси жорий мавсумда «Расинг Сантандер»га қарши баҳсда «Валенсия» асосий жамоасидаги илк голини урган.
Ҳозирда клубнинг энг истиқболли иқтидорларидан бири ҳисобланган Оторби ўнг сонидаги жароҳатидан тикланмоқда.
