Конор Макгрегорнинг мураббийи Жон Кавана Конор тиззасидан олган жароҳати сабабли спортчилик фаолиятини якунлашига ишонмаяпти.
"У даволаниш ва тикланиш жараёни билан жуда фаол шуғулланмоқда. Менимча, у ҳали спортдаги фаолиятига нуқта қўйгани йўқ. Бу жараён қандай кечишини билмайман. Аммо ҳаммаси шу билан тугашини тасаввур қилишим қийин.
У яна қайтиб, жанглар учун зарур бўлган жисмоний ҳолатини тиклай оладими? Агар буни кимдир уддалай олса, айнан у бунинг уддасидан чиқади. Менимча, у ММА машғулотларига келаси йилдан олдинроқ қайтмайди", — деди Кавана.
Макгрегор 12 июль куни UFC 329 турнири доирасида Макс Холлоуэйга қарши жангда тиззасидан жароҳат олган эди.
