Хитойнинг Migu стриминг платформаси "Расинг" ва "Реал" ўртасидаги Ла Лиганинг 11-тур учрашувини трансляциялар жадвалидан чиқариб ташлади. Бу ҳақда EFE агентлиги хабар берди.
2030 йилгача Испания чемпионатини Хитойда рақамли намойиш этиш бўйича эксклюзив ҳуқуққа эга платформа бошқа жамоалар ўйинларини кўрсатишда давом этмоқда.
Бироқ сервисдан "Реал"нинг аввалги баҳслари натижалари ва видеойозувлари, жумладан, август ҳамда сентябрь ойларидаги учрашувлари ҳам олиб ташланган.
Бунгача Хитойнинг CCTV давлат телеканали Килиан Мбаппе билан боғлиқ можародан кейин Ла Лига трансляцияларини тўхтатган эди.
Франциялик ҳужумчи интервьюларидан бирида ўзининг севимли мемларидан бири юзи Мао Цзэдун суратига жойлаштирилган тасвир эканини айтган ва Хитойнинг собиқ раҳбарини "диктатор" деб атаган.
Хитойдаги салбий муносабатлардан кейин Мбаппе оммавий равишда узр сўраган. Ла Лига президенти Хавьер Тебас ҳам Хитой томонига мактуб йўллаган, аммо CCTV трансляцияларни ҳануз тикламаган.
