Мадриднинг "Реал" клуби айни пайтда "Манчестер Сити" сафида тўп сураётган ярим ҳимоячи Энцо Фернандесга яна қизиқиш билдирмоқда.
Аргентиналик футболчи ҳали "Челси"да ўйнаётган пайтларидаёқ "қаймоқранглилар" уни ўз сафига қўшиб олишга даъвогарлардан бири сифатида тилга олинарди. Ўтган ёзда ярим ҳимоячи "шаҳарликлар" сафига ўтди, бироқ энди трансфер ҳақидаги миш-мишлар яна авж олди.
Журналист Экрем Конурнинг хабар беришича, "Реал" келаси йил ёзда Фернандесни сотиб олиш имкониятини кўриб чиқмоқда. Мадрид клуби 25 ёшли футболчини диққат билан кузатиб бормоқда. Унга эга чиқиш учун "Барселона" ва "Атлетико" ҳам курашиши мумкин.
Энцо Фернандеснинг "Манчестер Сити" билан шартномаси 2031 йилгача амал қилади. Transfermarkt маълумотларига кўра, футболчининг трансфер қиймати 120 миллион еврони ташкил этади.
