Майкл Кэррик "Манчестер Юнайтед" бош мураббийи лавозимида қолмоқда. Жамоа яна бир омадсиз натижа қайд этди. Шанба куни "қизил иблислар" Премьер-лига доирасида "Челси"га 0:2 ҳисобида мағлуб бўлди, аммо ҳозирча мураббий алмашинуви амалга ошмади.
Таниқли инсайдер Дэвид Орнштейннинг хабар беришича, клуб раҳбарияти футболчилар "Борнмут"дан 0:3 ҳисобидаги мағлубиятдан кейин мухлисларнинг ҳуштакбозлигини эшитиб, ўз айбларини англаб етган деб ҳисобламоқда. Футболчилар вазиятни тўғрилашга қатъий бел боғлаган ва бош мураббийнинг лавозимини сақлаб қолишига ёрдам беришни исташмоқда.
"Манчестер Юнайтед" раҳбарияти навбатдаги мураббий истеъфосидан имкон қадар қочмоқчи. Шу сабабли улар англиялик мутахассисга натижаларни яхшилаш учун яна бир имконият беришади. Клубда барча қийинчиликларга қарамай, Каррикка ишонч сақланиб қолмоқда ва унинг ўрнига келиши мумкин бўлган номзодлар билан ҳали ҳатто боғланишмаган.
