"Ливерпуль" ярим ҳимоячиси Флориан Вирц Лондоннинг "Арсенал" клубига қарши учрашувдан (0:1) кейин ўз фикрлари билан ўртоқлашди.
Якшанба куни "Энфилд" стадионида бўлиб ўтган баҳс тақдирини 16-дақиқада Кай Хаверц томонидан киритилган гол ҳал қилди.
"Менимча, жамоалар ўртасидаги фарқ катта бўлмади. Биз ўйиннинг узоқ қисмларида назоратни қўлда ушладик ва, эҳтимол, бизнинг гол уриш учун яратган вазиятларимиз янада хавфлироқ эди.
Биз анча яхши ўйнадик, айниқса биринчи бўлимда. Бир-иккита яхши имкониятимиз, шунингдек, бир нечта ярим вазиятларимиз бўлди. Аммо ҳал қилувчи паллада аниқлик етишмади", — дея Вирцнинг сўзларини келтиради Anfield Sector.
Тўққизта турдан кейин "Ливерпуль" 15 очко билан Премьер-лига жадвалида бешинчи ўринда бормоқда. "Арсенал" эса 24 очко билан пешқадамлик қилмоқда.
