"Аталанта" спорт директори Кристиано Гинтоли жамоанинг омадсиз натижаларига қарамай, бош мураббий Маурицио Сарри ўз лавозимида қолишини тасдиқлади.
Бергамоликлар А Сериянинг 10-турида "Парма"га 0:3 ҳисобида мағлуб бўлган эди.
"Иккинчи бўлимдаги ўйинимиз мутлақо қабул қилиб бўлмас даражада эди. Бунинг учун мухлисларимиздан узр сўрайман ва қўллаб-қувватлаганлари учун миннатдорлик билдираман.
Сарри билан ҳамкорликни давом эттирамизми? Албатта, бунда ҳеч қандай шубҳа йўқ. Ҳозир бош кўтармай меҳнат қилишимиз керак. Биз яна тўғри йўлга қайтамиз", — дея Гинтолининг сўзларини келтиради calcioatalanta.it.
Эслатиб ўтамиз, жорий мавсум А Серияда аллақачон беш нафар бош мураббий истеъфога чиқарилган.
