"Барселона" президенти Жоан Лапорта "Тенерифе" ҳужумчиси Хесус де Мигелнинг вафоти муносабати билан ҳамдардлик билдирди.
30 ёшли футболчи Испания Сегундасининг 12-туридан ўрин олган "Тенерифе" – "Андорра" (2:2) учрашувида оғир жароҳат олганди.
Иккинчи бўлимга қўшиб берилган еттинчи дақиқада меҳмонлар дарвозабони Хесус Овоно майдон марказида де Мигелни қўполлик билан йиқитган ва тўғридан-тўғри қизил карточка олганди.
Тўқнашувдан кейин ҳужумчи ҳушини йўқотган. Хабарларга кўра, унинг юраги ва нафас олиши қарийб 20 дақиқа давомида тўхтаб қолган. Футболчига шифохонага олиб кетилаётган вақтда реанимация ёрдами кўрсатилган, бироқ у бугун эрталаб вафот этди.
"Тенерифе" футболчиси Хесус де Мигелнинг ўлими бизни қаттиқ ларзага солди. "Барселона" номидан ва шахсан ўз номимдан унинг оиласига, жамоадошларига, "Тенерифе" клуби ва мухлисларига самимий ҳамдардлик билдираман.
Бу барчамиз учун катта зарба бўлди. Биз уни доимо ёдда сақлаймиз ва яқинлари билан бирга қайғурамиз.
"Барселона" – "Астон Вилла" учрашуви олдидан Хесус де Мигел хотирасига бир дақиқалик сукут сақланади. УЕФА шафелигидаги бошқа ўйинларда ҳам шундай маросим ўтказилади.
Шунингдек, "Камп Ноу"да Урдадаги темирйўл ҳалокати қурбонлари хотирасига ҳам ҳурмат бажо келтирамиз", — деди Лапорта.
