Теннис бўйича жаҳоннинг собиқ биринчи ракеткаси Рафаэль Надаль Мадриднинг «Реал» клуби директорлар кенгашига қўшилиш таклифини қабул қилди.
Аввалроқ клуб директорлар кенгаши йиғилишида испаниялик теннисчини кенгашнинг янги аъзоси сифатида тасдиқлаш таклифи илгари сурилган эди.
«Мени «Реал Мадрид» директорлар кенгашига таклиф қилгани учун президент Флорентино Перес ва клуб раҳбариятига миннатдорлик билдираман.
Бу таклифни катта иштиёқ, янги нарсаларни ўрганиш истаги ва қўлимдан келганча ҳисса қўшишга тайёрлик билан қабул қилдим», — деб ёзди Надаль ижтимоий тармоқларда.
