Ғарбий Осиё футбол федерацияси (ҒАФФ) чемпионатининг "В" гуруҳидаги учала жамоа ҳам абсолют бир хил кўрсаткичга (2 очкодан, тўплар нисбати - 0-0) эга бўлиб қолгани учун ярим финалга чиқадиган жамоа номини аниқлаш мақсадида қуръа ташланиши ҳақида хабар бериб ўтгандик.
Кеча бўлиб ўтган "С" гуруҳи баҳсидан кейин қуръа ташланди ва унда Баҳрайнга омад кулиб боқди. Кувайт ва Иордания ўртасидаги баҳсда иорданияликлар ғалаба қозонишди (2:1). Натижада ҳар иккала жамоа ярим финал йўлланмасини қўлга киритишди.
Ярим финал ўйинлари 4 январь куни бўлиб ўтади. Унда Қатар Кувайт билан ўйнаса, Баҳрайн Иордания билан тўқнаш келади.
