Голландия терма жамоаси "В" гуруҳида 9 очко тўплади ва ўз гуруҳида 1-ўринни эгаллаган ҳолда нимчорак финалга чиқди.

Чили эса 1/8 финалда Бразилияга дуч келиб қолишдан қочиш мақсадида Голландияни мағлуб этишга ҳаракат қилди. Жамоа бу мақсад йўлида тўла куч билан ҳаракат қилди. Аммо недерландлар ҳимояда мустаҳкам ўйнашди ва маҳорат эвазига бу баҳсда ҳам 3 очкони қўлга киритди. Ваҳоланки, бу ўйиндаги дуранг натижа ҳам Луи Ван Гал шогирдларига гуруҳ пешқадамлигини таъминларди.

Ўйин тақдирини эса Голландия терма жамоаси сафида захирадан тушган футболчилар ҳал қилишди. Дастлаб Лерой Фер ўнг қанотдан етказилган тўпни бош билан дарвозага йўллади. Ўйинга қўшиб берилган дақиқаларда европаликлар қарши ҳужумга ўтишди Роббен бир ҳимоячини алдаб ўтиб, олис устун томон келаётган Депайга тўпни етказди. Мемфис дарвозанинг бўш қолган қисмини ишғол қилди!

Голландия ва Чили терма жамоалари бугун соат 01:00да бошланадиган "А" гуруҳи ўйинларидан кейин 1/8 финалдаги рақибларини билиб олишади.

ЖЧ-2014. "B" ГУРУҲИ, 3-ТУР
ГОЛЛАНДИЯ - ЧИЛИ - 2:0 (0:0)
Голлар: 1:0 – 77 Фер, 2:0 – 90 Депай.
Голландия – Силессен, Янмат, де Врей, Влар, Блинд, Н. де Йонг, Вейналдум, Снейдер (Фер, 75), Роббен, Кюйт (Конголо, 89), Ленс (Депай, 69).
Чили – Браво, Хара, Медель, Сильва (Вальдивия, 70), Исла, Диас, Гутьеррес (Босежур, 46), Мена, Арангис, Санчес, Варгас (Пинилья, 81).
Огоҳлантиришлар: Сильва (25), Блинд (64).