Бразилия терма жамоаси бош мураббийи Луис Фелипе Сколари ФИФАнинг ЖЧ-2014 мезбонларга ёрдам бераётгани ҳақидаги гап-сўзларга муносабатини билдирди.
"Бутун дунёда матбуот ФИФАнинг Бразилияга ёрдам бераётгани ҳақида айблаётган эди. Бугун эса мен кечаги ўйинда бизга қарши ҳакамлик ҳақида гапирган бирор кишини кўрмадим.
Менимча, кимлардир Бразилиниг жаҳон чемпиони бўлишини хоҳламаяпти, шунинг учун ҳакамларнинг Бразилияга ёрдам бериши ҳақида ёлғон тўқияпти. Бу бизга янада босим уюштириш учун қилинмоқда.
Энди ҳакамлар бизга пенальти бериш ёки тоза голимизни ҳисоблашга юраклари бетламаяпти. Ҳаммаси шу кампания туфайли. Улар танқиддан қўрқишмоқда.
Албатта мен жаҳон чемпиони бўлишимизга ишонмоқдаман. Биздан ҳеч ким устун эмас, аммо бир нечта жиддий ўйинлар ўтказамиз", - дейди Сколари.
