Греция терма жамоаси бош мураббийи Фернанду Сантуш ЖЧ-2014 1/8 финалида Коста-Рика билан кечган ўйиндан сўнг (1:1, пен. бўйича 3:5) фикрлари билан ўртоқлашди.
"Албатта, овертаймда биз тартибсиз ўйнадик, чарчоқ туфайли тиниқ ақл билан ўйнашнинг иложи бўлмади. Биз қандай қилиб бўлсада, ғалаба қозонишни истадик, натижада пенальтилар сериясигача бордик.
Ҳакам мени нима учун трибунага четлатганини тушунмадим. Мен финал ҳуштаги чалингандан сўнг майдонга футболчиларимни қўллаб-қувватлаш учун чиққандим ва ҳакамга оддий сўз айтгандим.
Костарикаликлар ҳам шундай қилишган эди, аммо мени трибунага четлатди", - дейди Сантуш.
Эслатиб ўтамиз, Сантуш ва Греция ФФ ўртасидаги шартнома бугун ниҳоясига етади ва уни узайтириш кўзда тутилмаган.
