"Реал" ва "Монако" яримҳимоячи Хамес Родригеснинг трансфери борасида қатъий келишувга эришдилар.
Колумбиялик футболчининг трансфери "Реал" учун 70 миллион еврога тушади, дея хабар беради Cadena SER радиоси.
"Монако" дарвозабон Диего Лопес ва Сами Хедирага қизиққан бўлсада, келишувга "Реал"нинг ҳеч бир футболчисининг трансфер ҳуқуқи қўшилмайдиган бўлди.
Хамес Родригес "Реал" ўйинчиси сифатида келгуси ҳафтада таништирилади.
Шундан сўнг у янги жамоаси билан АҚШга жўнаб кетади.
Эслатиб ўтамиз, Родригес 6 та голи билан ЖЧ-2014 мусобақасининг энг яхши тўпурари бўлган эди.
