Осиё Ўйинларида иштирок этаётган Тожикистон терма жамоаси футболчиси Хуршед Бекназаровдан допинг таҳлили ижобий натижа берди. 20 ёшли футболчининг организмидан тақиқланган метилгексанеамин моддаси топилди.

14 сентябрь куни бўлиб ўтган гуруҳ босқичининг 1-тури доирасида Сингапурга қарши бўлиб ўтган ўйиндан (1:0) кейин ўйинчи анализ учун пешоб топширганди. Метилгексанеамин моддаси профессионал спортчилар организмида энг кўп учрайдиган допинг моддаси ҳисобланади.

"Спортчи мусобақа ва Осиё Ўйинларидан четлаштиришди. Шунингдек, у аккредитациядан маҳрум қилинди", - дейилади Осиё олимпия кенгаши баёнотида.

Мазкур допинг таҳлили натижаси Тожикистон футбол федерацияси, халқаро футбол ташкилотларига ва Халқаро антидопинг агентлиги (ВАДА)да юборилади. Юқори ташкилотлар футболчига нисбатан жазо чорасини қўллайди.

Тожикистон терма жамоаси эса Осиё Ўйинларидаги иштирокини давом этттиради. Қўшниларимиз нимчорак финалда Ироқ терма жамоасига қарши майдонга тушади.