Сербиялик Новак Жокович China Open ATP турнирининг ярим финалида британиялик Энди Маррейни 6:3, 6:4 ҳисоблари билан мағлубиятга учратди.
Энди теннисчи бешинчи марта бош соврин учун финалда кортга чиқади. Жокович учун мазкур турнир ўта қадрли ва ҳаяжонларга тўла, деб бемалол айта оламиз. Сабаби, у Пекиндаги турнирда бирорта мағлубиятсиз 23 та ғалабани қўлга киритган. Бундай натижа уни ҳозиргача тўрт марта China Open турнирининг ғолибига айлантирган.
Ўтган йилги финалда у Рафаэль Надални, 2012 йилда Жо-Вилфрид Тсонгани, 2010 йили Давид Феррерни, 2009 йили эса Марин Чилични мағлубиятга учратган.
