Йўқ жойдан пенальти ишлаш орқали ўйин тақдирини ҳал қилиш сўнгги пайтларда футболчилар орасида оммалашиб бормоқда. Бундай ўйинчилар орасида юлдуз футболчилар ҳам бор. fallondfloor.com сайти "Йилнинг энг яхши симулянти" совринига ғолибларни аниқлаш мақсадида беш нафар футболчини ажратиб олиб, сўровномага қўйди.
Демак, номзодлар билан танишинг:
Фред — ЖЧ-2014 пайтида Хорватияга қарши ўйиндаги симуляцияси учун;
Луис Суарес — Кьеллинининг елкасини тишлаганидан кейин ўзини жабрланувчи қилиб кўрсатишга урингани учун;
Арьен Роббен — ЖЧ-2014 пайтида Мексикага қарши ўйиндаги симуляцияси учун;
Жанкарло Гонсалес — бармоқ билан туртгани учун ўзини ўлганга солганлик учун;
Криштиану Роналду — "Селта"га қарши ўйиндаги симуляцияси учун;
Адриан — Англия чемпионшипи доирасида "Дерби Каунти"га қарши ўйинда ўлимдан олдинги талвасани ўхшата олгани учун.
Севимли актёрингизга совриннинг расмий сайтида овоз беришингиз мумкин.
