Футбол бўйича Ўзбекистон миллий терма жамоаси 14 январь куни Осиё Кубоги-2015 “В” гуруҳи 2-тури доирасида Хитойга имкониятни бой берди ва мухлисларнинг “танқид ёмғири” остида қолди.
Бу “танқид ёмғири” Twitter ижтимоий тармоғида айниқса жадал кечди. Ўзбекистон миллий терма жамоасининг тиниб-тинчимас ҳимоячиларидан бири Виталий Денисов эса бунга жим қараб тура олмади: “Бизни ҳисобдан чиқаришга ҳали эрта!”.
Ўзбекистон миллий терма жамоасини олдинда ҳал қилувчи ўйин кутиб турибди. Миржалол Қосимов шогирдлари 18 январь, якшанба куни “В” гуруҳида тўплар нисбатига кўра Ўзбекистондан олдинда турган Саудия Арабистонини мағлуб этиши керак.
